फागुण ०८,
रामेछाप । रामेछापको सुनापति गाउँपालिकामा दोस्रो सुनापति गाउंपालिका अध्यक्ष कप–२०७६” हुने भएको छ । सुनापति गाउंपालिका खेलकुद विकास समितिद्धारा आयोजना गरिएको अन्तर वडा, क्लब खेलकुद प्रतियोगिता आगामी फागुन २३ गते देखि २६ गते सम्म सञ्चालन हुने सुनापति गाउँपालिकाले जनाएको छ ।
कार्यक्रममा सुनापति गाउँपालिका कार्यालय हिलेदेवीको खेल मैदानमा आयोजना हुने एक सुचना मार्फत जानकारी दिएको छ । सो प्रतियोगितामा भलिबल र ब्याटमिन्टन खेल समावेस गरिने जनाएको छ । प्रतियोगितामा सुनापति गाउंपालिका विभिन्न क्लब, संघ÷संस्था र वडाको टिम सहभागी हुने जनाएको छ ।
स्वास्थ्यका लागि खेलकुद, राष्ट्रका लागि खेलकुद भन्ने मूल नाराका साथ खेलाउन लागिएको प्रतियोगितामा सुनापति गाउँपालिकाको प्रायोजक रहेको छ । प्रतियोगितामा प्रथम हुने टिमलाई ४४ हजार ४ सय ४४, द्वितीय ३३, हजार ३ सय ३३, तृतीय हुनेले २२ हजार २ सय २२, सान्तना हुनेले ११ हजार १ सय ११ सहित शिल्ड मेडल र प्रमाण–पत्र प्राप्त गर्ने आयोजकले जनाएको छ ।
त्यस्तै उत्कृष्ट व्यक्तिगत पुरस्कारको पनि ब्यवस्था गरिएको छ । उत्कृष्ट खेलाडीहरुलाई १ हजार १ सय ११ ,उत्कृष्ट स्पाइकर ५ सय ५५, उत्कृष्ट सेटर ५ सय ५५, उत्कृष्ट ब्लकर ५ सय ५५ , उत्कृष्ट डिफेन्डर ५ सय ५५, उत्कृष्ट सर्भर ५ सय ५५ सहित सहित शिल्ड मेडल र प्रमाण–पत्र प्राप्त गर्ने छन् ।
यता ब्याटमिन्टन तर्फ प्रथम हुनेले ५ हजार ५ सय ५५, द्वितीय हुनेले ३ हजार ३ सय ३३ , तृतीय हुनेले २ हजार २ सय २२ र सान्तना हुनेले १ हजार १ सय ११ सहित शिल्ड मेडल र प्रमाण–पत्र प्राप्त गर्ने छन् । त्यस्तै उत्कृष्ट व्यक्तिगत पुरस्कार तर्फ ५ सय ५५ सहित शिल्ड र प्रमाण–पत्रको ब्यवस्था गरिएको जनाएको छ ।
